ნეუ ეროვნული საგანმანათლებლო უნივერსიტეტი ERASMUS+ მონაწილეა
მთავარი
"ნეუ ეროვნული საგანმანათლებლო უნივერსიტეტი" ევრიკომისიის მიერ დაფინანსებული ERASMUS+ საერთაშორისო კრედიტ მობილობის (KA 171) პროგრამის მონაწილე გახდა.
🔵 2025 - 2026 სასწავლო წლიდან NEU ლეონის უნივერსიტეტთან (ესპანეთი) განახორციელებს გაცვლით პროგრამას ERASMUS+ ფარგლებში სტუდენტებისა და პერსონალისთვის.
🔵 ნეუს სტუდენტებს საშუალება ექნებათ ერთი სემესტრის განმავლობაში ისწავლონ ლეონის უნივერსიტეტში, ასევე, დაიგეგმება საქმიანი ვიზიტები პერსონალისთვის, რაც ხელს შეუწყობს აკადემიური და პრაქტიკული გამოცდილების გაზიარებას.
🔵 პროგრამით გათვალისწინებულია მობილობის სრული დაფინანსება როგორც ნეუს, ასევე, ლეონის უნივერსიტეტის ბენეფიციარებისთვის.
რა არის ერასმუსი?
ტერმინი Erasmus+ - “European Community Action Scheme for the Mobility of University Students” ქართულად “ევროპული საზოგადოების სამოქმედო პროგრამა უნივერსიტეტის სტუდენტების მობილობისთვის”.
ერასმუსის პროგრამა არის ევროკავშირის ”Lifelong Learning Projects”, - ის ნაწილი, რომელიც უნივერსიტეტებს აძლევს მულტინაციონალური თანამშრომლობის საშუალებას. ამ პროგრამის ფარგლებში, სტუდენტები (ასევე სხვა სამიზნე ჯგუფებიც) იღებენ ფინანსურ დახმარებას საზღვარგარეთ სწავლისა და საზღვარგარეთ სტაჟირებისთვის.
ევროკავშირი Erasmus+ პროგრამის საშუალებით სტუდენტებს სთავაზობს გაცვლით პროგრამებს ევროპულ უნივერსიტეტებში საბაკალავრო, სამაგისტრო და დოქტორანტურის დონეზე და უზრუნველყოფს სტუდენტის ფინანსურ მხარდაჭერას ორი სემესტრის განმავლობაში, მაქსიმუმ 12 (თორმეტი) თვე. Erasmus+ პროგრამების მიზანია დაეხმაროს რაც შეიძლება მეტ სტუდენტს, რათა მომავალი კარიერული შესაძლებლობები გაიუმჯობესონ და საზღვარგარეთ, სწავლის განმავლობაში მიღებული ცოდნის შედეგად გაზარდონ შანსები სამუშაო ბაზარზე.
რატომ Erasmus+
🔷გაცვლით პროგრამებში მონაწილე სტუდენეტებს ევროკავშირი უზრუნველყოფს საშუალოდ 800 ევრომდე თანხით ცხოვრებასთან დაკავშირებული ხარჯებისთვის და ასევე სთავაზობს მგზავრობის ხარჯების ანაზღაურებას;
🔷 ერაზმუს+ დაფარავს ყოველგვარ სასწავლო ხარჯს;
🔷 აუმჯობესებთ ენის ცოდნას;
🔷 მიიღებთ კულტურათაშორისი უნარ - ჩვევებს, რომელთა გამოყენება მოგვიანებით შეგიძლიათ სამუშაო ბაზარზე;
🔷 ერაზმუსის კურსდამთავრებულებს აქვთ დასაქმების მეტი შანსი;
🔷 შეიძენთ უამრავ საერთაშორისო კონტაქტს, რომლებიც დაგეხმარებათ გაიზრდებით არა მხოლოდ პიროვნულად, არამედ პროფესიონალურად;
🔷 საზღვარგარეთ სწავლების პერიოდში - სტაჟირება. პროგრამა ერასმუს+ ხელს უწყობს სტაჟირებას.