ხედვა
უნივერსიტეტის ინსტიტუციური განვითარებისა და სამომავლო გამოწვევების რეალური და ეფექტური ხედვა მნიშვნელოვანია სტრატეგიული დაგეგმარების პროცესისთვის. ინსტიტუციის ხედვაში აღიწერება თუ რა წვლილი შეაქვს მას საზოგადოების განვითარებაში და რისი მიღწევა სურს და შეუძლია მომავალში. გრძელვადიან პერსპექტივაში წარმატებული სტრატეგიული განვითარების გეგმა ინსტიტუციურ ფასეულობებზე დაყრდნობითა და მთელი სიცოცხლის მანძილზე სწავლის პრინციპის ხელშეწყობით უნდა ხორციელდებოდეს. ინსტიტუციონალურ ფასეულობებზე დაფუძნებული სამომავლო ხედვა ქმნის აკადემიური თავისუფლების პრიმატს, რომელიც უზრუნველყოფს საგანმანათლებლო პროგრესს, ხელს უწყობს მაღალკვალიფიციური პერსონალის მოზიდვას და ინოვაციურ გარემოში ჩართულობის პროცესს. „NEU ეროვნული საგანმანათლებლო უნივერსიტეტი“ თანაბარი ხელმისაწვდომობისა და მიუკერძოებლობის პრინციპების დაცვით, ორიენტირებულია განათლების ერთ - ერთ უმთავრეს ფუნქციაზე - სოციალიზაციის პროცესზე. უნივერსიტეტის უმთავრესი ხედვაა განათლების ხარისხის მუდმივი ამაღლების პოლიტიკის შემუშავება და მართვის თანამედროვე მეთოდების ფართო გამოყენება საუკეთესო ეროვნული და საერთაშორისო გამოცდილების გათვალისწინებით.
ღირებულებები
უნივერსიტეტის ღირებულებები უზრუნველყოფს სისტემის მთლიანობას, რაც ქმნის ერთიანი საგანმანათლებლო სივრცის ფასეულობებს. ღირებულება წარმოადგენს მიზან - საშუალებათა ერთობლიობას, სადაც ღირებულებები შეცვლას ან გადაფასებას ექვემდებარება. „NEU ეროვნული საგანმანათლებლო უნივერსიტეტის“ მდგრადობის უზრუნველსაყოფად უმნიშვნელოვანესია შემდეგი ძირითადი ღირებულებები:
🔷 აკადემიური თავისუფლება;
🔷 თანასწორობა;
🔷 სამართლიანობა;
🔷 მიუკერძოებლობა;
🔷 პატიოსნება;
🔷 კრეატიულობა;
🔷 სოციალიზაცია;
🔷 ეთიკური პრინციპების დამკვიდრება და წახალისება.